உடல் முழுவதும் தீ வைத்து மரண சாகசத்தை நிகழ்த்தும் 64 வயது நபர்

[ ஞாயிற்றுக்கிழமை, 31 யூலை 2011, 07:54.53 மு.ப GMT ]

பிரிட்டனில் வசிக்கும் ராக்கி டைலருக்கு 64 வயது ஆகிறது. ஆனால் இந்த சாகச வீரர் இளமைத் துள்ளலுடன் மரண சாதனைகளை நிகழ்த்தி வருகிறார். இவர் ஒருதடவை மிக உயரமான இடத்தில் இருந்து குதித்து சாதனை செய்த போது தண்டுவடம் மற்றும் அதன் கீழே உள்ள எலும்பு பகுதி ஆகியவை உடைந்தன. இந்த வயதான சாகச வீரர் மரண சாதனைகளுக்கு முற்றுப் புள்ளி வைத்து விடுவார் என மக்கள் எண்ணி இருந்தனர். ஆனால் மீண்டும் தனது உயிரை பறிக்கக்கூடிய தீ வைத்து கொள்ளும் சாதனைக்கு தயார் ஆனார். மஞ்சள் நிற உடையில் கொழுந்து விட்டு எரியும் தீயும் மஞ்சள் நிறத்தில் தகிக்க ராக்கி பெயருக்கு ஏற்ற மாதிரி கல் போல அசையாமல் இறுகிய முகத்துடன் பயிற்சி பெற்றார். அவர் எதிர்வரும் செவ்வாய்க்கிழமை 40 அடி உயர லண்டன் படோ சீ மின்நிலைய கட்டிடத்தில் இருந்து தீயுடன் குதிக்கிறார். 1985ஆம் ஆண்டு அவர் நடத்திய மரண சாகசத்தில் உயிர் பிழைத்ததே பெரிய விடயம். அவரது எலும்புகள் முறிந்த நிலையில் உயிர் பிழைக்க மாட்டார் என்கிற அச்சம் இருந்தது. தன்னுடைய மன உறுதியில் மீண்டு வந்த ராக்கி மீண்டும் உடலில் தீ வைத்து கொண்டு குதிக்கும் சாதனையை செய்கிறார். தீ வைப்பு சாதனைக்கு முன்னர் தனது முந்தய எலும்பு முறிவு சாதனை மனதில் வந்தது என்றும் அப்போது வயிற்றில் சிறிது கலக்கம் ஏற்பட்டது என அவர் கூறினார். முந்தய சாதனையால் உடலில் நட் மற்றும் போல்ட்கள் பொருத்தப்பட்டுள்ளன. அதன் பிரச்சனை தொடர்கிறது என ராக்கி டைலர் சிரித்தபடி கூறுகிறார். ராக்கிக்கு 2 குழந்தைகள் உள்ளன. ராக்கியின் இந்த சாதனையை பிரிட்டன் மக்கள் பீதியுடன் எதிர்நோக்கி உள்ளனர். அறக்கட்டளைக்கு நிதி திரட்டுவதற்காக அவர் இந்த சாதனையை மேற்கொள்கிறார்.